7-8 სექტემბერს საქართველოს ჩრდილოატლანტიკური საბჭო ეწვევა. მთავრობის წევრების შეფასებით, არაწევრ ქვეყანაში მეოთხე ვიზიტი უპრეცედენტოა და საქართველოსადმი მხარდაჭერას ადასტურებს. არჩილ ყარაულაშვილის განმარტებით, ვიზიტით ცხადი ხდება თუ რამდენად მნიშვნელოვანი როლი აქვს საქართველოს, უსაფრთხოების კონტექსტში, რეგიონსა და გლობალური მასშტაბით. მინისტრის მოადგილე ამბობს, რომ ჩრდილოატლანტიკური საბჭო, აღნიშნული ვიზიტით, საქართველოში დემოკრატიის კუთხით გატარებული რეფორმების წარმატებულობას ადასტურებს. ვიზიტის ფარგლებში დაგეგმილია შეხვედრები ქვეყნის პირველ პირებთან, არასამთავრობო სექტორთან და სტუდენტებთან.
|