ქარელის რაიონში გაჩენილ ხანზარს ერთი ადამიანის სიცოცხლე ემსხვერპლა. „დიას“ კორესპონდენტის ცნობით, სოფელ შაქშაქეთში დაიწვა ორსართულიანი სახლის სახურავი. მეხანძრე მაშველების მიერ ხანძრის ქრობის პროცესში კი ოთახში აღმოჩენილია 50 წლის მამაკაცის გვამი. როგორც საგანგებო სიტუაციების მართვის სააგენტოს პრესსამსახურში აცხადებენ, ხანძარი ლიკვიდირებულია. ადგილზე მუშაობდა 2 სახანძრო ბრიგადა.