გორის რაიონულ სასამართლოში დღეს თემურ მანველიშვილის მიმართ აღკვეთის ღონისძიების შეფარდების საკითხზე იმსჯელეს. თემურ მანველიშვილს 5 ათას-ლარიანი გირაო შეუფარდეს. პროკურატურის შუამდგომლობა სრულად დაკმაყოფილდა, ხოლო მანველიშვილი თავდებობას ითხოვდა. გორის მერიის ადმინისტრაციისა და შესყიდვების სამსახურის უფროსმა თემურ მანველიშვილმა 2018 წლის ოქტომბერში სამოქალაქო აქტივისტს გიგა მაქარაშვილს ვედრო ჩამოამხო. პროკურატურის პრეს-სამსახურის განცხადებით, გიგა მაქარაშვილი დაზარალებულად ჯერ კიდევ 16 იანვარს ცნეს. მანველიშვილმა თანამდებობის დატოვების შესახებ გადაწყვეტილება 8 თებერვალს მიიღო. პროკურატურამ კი ბრალი 9 თებერვალს წაუყენა. სასამართლო სხდომაზე დასასწრებად ჩავიდა დაზარალებული გიგა მაქარაშვილი, რომელიცმანდატურებმა სხდომაზე არ შეუშვეს.
|