ხაშურელი პედაგოგი სემინარის „მასწავლებელი-მეგზური ევროპისკენ“ გამარჯვებული გახდა
ხაშურის პირველი საჯარო სკოლის მათემატიკის პედაგოგი ნანა დაბრუნდაშვილი პროექტ „მასწავლებელი-მეგზური ევროპისკენ“ გამარჯვებული გახდა. ის 10 საუკეთესო პედაგოგს შორის მოხვდა, რომლებმაც საკუთარი ნაშრომები კონკურსზე წარადგინეს.
„ევროპასთან ერთად“ ასე ჰქვია პრიოექტს, რომელიც ხაშურელმა პედაგოგმა პირველ საჯარო სკოლაში განახორციელა და მოსწავლეებს ევროპულ ღირებულებებსა და იმ მითების შესახებ ესაუბრა, რომელიც საქართველოშია გავრცელებული.
საუკეთესო პროექტების ავტორი მასწავლებლების დაჯილდოების ცერემონია „ევროპის დღეები 2019“-ის ფარგლებში გაიმართა. პედაგოგებს ჯილდოები მთავრობის მეთაურმა გადასცა.
"ეს მხოლოდ ჩემი გამარჯვება არ არის, ამ პროექტში ჩემი მოსწავლეების უდიდესი შრომაა ჩადებული და პირველ რიგში დიდი მადლობა მათ სიბეჯითისა და აქტიურობისათვის!"- განაცხადა პედაგოგმა. 
10 მაისს, სემინარის გახსნის ღონისძიებაზე, რომელიც „ევროპის დღეები 2019“-ის ფარგლებში გაიმართა, საზოგადოებას სიტყვით მიმართეს საქართველოს პრემიერ-მინისტრმა, მამუკა ბახტაძემ, საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა, ფრიდრიხ ებერტის ფონდის სამხრეთ კავკასიის წარმომადგენლობის დირექტორმა ფელიქს ჰეტმა, ესტონეთის რესპუბლიკის საგანგებო და სრულუფლებიანმა ელჩმა საქართველოში კაი კაარელსონმა და მასწავლებელთა პროფესიული განვითარების ეროვნული ცენტრის დირექტორმა ბერიკა შუკაკიძემ. ღონისძიებას მოდერატორობას უწევდა ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძე. 
ივნისი 2019
ორშ.სამშ.ოთხშ.ხუთშ.პარას. შაბათიკვირა
272829303112
3456789
10111213141516
17181920212223
24252627282930