"როგორც იქნა! იმედია ბევრი სკოლა მიბაძავს!"
"მიხარია და მეამაყებით!""ბრავო! უკვე მოქალაქეები არიან ღირსების კოდექსით! ძალიან საამაყოა!""ყოჩაღ დამრიგებელს, მშობლებს, ბავშვებს + დირექციას"...ამ და სხვა დადებითი ემოციებით შეხვდნენ ადამიანები სოციალური ქსელით გავრცელებულ ამბავს, სადაც ქალაქ ქუთაისის 15-ე საჯარო სკოლის პედაგოგმა ნანა გოგორიშვილმა აღნიშნა, რომ მისი კურსდამთავრებულები ბანკეტს არ გადაიხდიდნენ და სანაცვლოდ მათ ზესტაფონში არსებული ბავშვთა დღის ცენტრი "orion aips"-სი მოინახულეს. 12-ე "ა" კლასის მოსწავლეებმა უარი თქვა ფერად-ფერად სამოსზე, წვეულებაზე, ფოიერვერკზე და ბოლო ზარიც დღის ცენტრის 40 აღსაზრდელთან ერთად აღნიშნეს. "ყველა ველოდით ამ დღეს.  ბოლოს ერთ დიდ ავტობუსში მოვთავსდით და ასე ჩავედით ზესტაფონში პედაგოგებთან ერთად. ჩვენი სტუმრობით ეს  ბავშვები ისეთი ბედნიერები იყვნენ, რომ არასოდეს დამავიწყდება მათი ვარსკვლავებიანი თვალები,” - ამბობს კურსდამთავრებული მარი მესხორაძე. "სხვა დროსაც აწყობდნენ ბავშვები ასეთ აქციებს. ერთხელ სოფელ მაღლაკში წავედით და სოციალურად დაუცველ ოჯახს მათთვის საჭირო ნივთები ჩავუტანეთ. თავად მოსწავლეები იყვნენ ამ ყველაფრის ინიციატორები, ჩვენ კი მათ ვეხმარებოდით" - აღნიშნა დამრიგებელა ნანა გოგორიშვილმა."ბედნიერება მაშინაა სრულყოფილი, როცა სხვას უზიარებ"- ეს იყო ქუტაისელი კურსდამთავრებულების მოტივაცია.
ივნისი 2019
ორშ.სამშ.ოთხშ.ხუთშ.პარას. შაბათიკვირა
272829303112
3456789
10111213141516
17181920212223
24252627282930