კომპანია „ცენტრ პოინტის“ დაზარალებულები ბიძინა ივანიშვილთან შეხვედრას ითხოვენ
კომპანია „ცენტრ პოინტის“ დაზარალებულები პარტია „ქართული ოცნება-დემოკრატიული საქართველოს“ თავმჯდომარე ბიძინა ივანიშვილთან შეხვედრას ითხოვენ.

ამ მოთხოვნით მათ დღეს ბიძინა ივანიშვილის სახლთან აქცია გამართეს.

დაზარალებულები ითხოვენ, კორპუსების მშენებლობა სახელმწიფომ დაასრულოს, შეიქმნას სახელმწიფო კომისია, რომელიც საკითხს შეისწავლის.

აქციის წევრები ამბობენ, რომ 2012 წლამდე ისინი ერთხელ უკვე შეხვდნენ ბიძინა ივანიშვილს.

„ეს არის პიროვნება, რომელიც ხელმძღვანელობს მმართველ ძალას და ამ პრობლემის მოგვარების ბერკეტები გააჩნია. ვითხოვთ, სახელმწიფომ თავის თავზე აიღოს შენობების დასრულების პასუხისმგებლობა. ვერ დაველოდებით სასამართლო პროცესებს, როდის ამოიღებენ ფულს გამომძიებლები რჩეულიშვილებისგან. ეს არ არის გამოსავალი. ეს არის პრობლემა, სახელმწიფო პრობლემა, დაუსრულებელი შენობების პრობლემა, მერიის პრობლემაა და ამიტომ სახელმწიფომ უნდა აიღოს თავის თავზე. უნდა შეიქმნას სპეციალური კომისია, რომელსაც მიეცემა უფლებამოსილება, გამოიძიოს ეს პრობლემა, ფინანსური ანალიზი გააკეთოს და ჰქონდეს ბერკეტი, დაასრულოს მშენებლობა“, -განაცხადა აქციის ერთ-ერთმა მონაწილე თემურ ხვიჩიამ. 
ოქტომბერი 2019
ორშ.სამშ.ოთხშ.ხუთშ.პარას. შაბათიკვირა
30123456
78910111213
14151617181920
21222324252627
28293031123