მოკლული თემირლან მაჩალიკაშვილის მამა, მალხაზ მაჩალიკაშვილი ამბობს, რომ მას კვლავ ემუქრებიან და ბოლო დღეებში მის ტელეფონზე განხორციელებულმა მუქარის შემცვლელმა შეტყობინებებმა მოიმატა. მას პარლამენტის წინ პროტესტის შეწყვეტას სთხოვენ. „მირეკავენ დაშიფრული ნომრიდან, არის მუქარის ტონის ზარები. მე ნებისმიერთან მივდივარ, ნებისმიერთან ვინც კი დამირეკავს, ვინც კი კაცს გამომიგზავნის, შემხვდიო. ვინც ჩემს მტერს წინააღმდეგობას გაუწევს, ის არის ჩემთვის ახლო ადამიანი. ამბობენ შენ „ნაციონალებთან“ ხარ, ამასთან ხარ იმასთან ხარ, ასეთი რაღაცეები არის, რასაც მე ყურადღებას არ ვაქცევ. შუამავალს მიგზავნიან, თუ არ წახვალ მაქედან ამას გავაკეთებთ და იმას გავაკეთებთო...ყველაფერს იმისთვის გავაკეთებ, რომ გავანადგურო ეს სისტემა"- ამბობს მალხაზ მაჩალიკაშვილი.