"უთხარი არა პლასტმასს" გორში, ამ სახელწოდებით ფესტივალი გაიმართა. ღონისძიება გორის დასვენების პარკში შედგა და სხვადასხვა თემატური აქტივობები მოეწყო. ღონისძიებას სხვადასხვა კომპანიებიც შეუერთდნენ და საკუთარი პროდუქცია გამოფინეს. გარდა ამისა წარმოდგენილი იყო ხელნაკეთი ნივთები, მხატვრული ტილოები და პლასტმასის ნარჩენებისგან დამზადებული სუვენირები. ღონისძიების დასრულების შემდეგ კონცერტი გაიმართა, რაშიც მონაწილეობა ხაშურის, ქარელის, გორის და კასპის შემოქმედებითმა კოლექტივებმა და ინდივიდუალურმა შემსრულებლებმა მიიღეს.