მაია კოშაძე, რომელიც 4 თვეა, რაც № 13 ავტობუსის მძღოლია, 57 წლის ასაკში დაეუფლა ახალ საქმეს. იქამდე დამლაგებლად მუშაობდა. "57 წლის ვარ, 58-ის გავხდები მალე. სანამ აქ მოვიდოდი, სატრანსპორტო კომპანიაში დამლაგებლად ვმუშაობდი. მერე, ევროკავშირმა დააფინანსა 25 ქალი მძღოლის მომზადება თავიანთი ხარჯებით და მეც მოვხვდი. ცოტა გამოცდილება მქონდა, სკოლის დამთავრების შემდეგ, 3 თვე ტრაქტორზე ვიმუშავე. ასაკი შეზღუდული არ იყო, ახალგაზრდებიც გვყავდა. 25-დან 21 დავრჩით საბოლოოდ. შემოსავალიც გამეზარდა - 460 ლარი მქონდა დამლაგებლად, ახლა 1000 ლარზე მეტიც გამომდის. ძალიან მარტივი არაა საქმე, მაგრამ ისეთიც არაა, ვერ შეძლო." სოფი ქორიძე
|