ბაღდათის ცენტრში მომხდარ ავარიას ორი ახალგაზრდა, დავით ზივზივაძე და მარიამ მაჩიტიძე ემსხვერპლა.
შემთხვევა, 6 აგვისტოს გვიან ღამით მოხდა, ადგილობრივების ინფორმაციით, ისინი მოპედით გადაადგილდებოდნენ.
მომხდართან დაკავშირებით, მოქალაქეები ბაღდათის მუნიციპალიტეტის მერიას თხოვნით მიმართავენ, გადადონ ამ თვეში დაგეგმილი გასართობ-კულტურული ღონისძიებები.
ბაღდათის მერიის პრესსამსახურში ამბობენ, რომ ამ საკითხზე ამ დროისათვის კონსულტაციები მიმდინარეობს და გადაწყვეტილება მოგვიანებით გახდება ცნობილი.