გახარიას გადადგომის მოთხოვნით აქციები 20 სექტემბრიდან, შესაძლოა, 24-საათიან რეჟიმში გადავიდეს - მაქარაშვილი

20 სექტემბრიდან აქცია აუცილებლად გაგრძელდება „ნონ-სტოპ რეჟიმში“. არ არის გამორიცხული, რომ 24- საათიანიც გახდეს, - ამის შესახებ„ინტერპრესნიუსს“ პარლამენტის წინ მიმდინარე აქციის ერთ-ერთმა ორგანიზატორმა, სამოქალაქო აქტივისტმა გიგა მაქარაშვილმა განუცხადა.

მისი თქმით, როგორ შეიცვლება აქციის მონაწილეთა მოთხოვნები, ეს დამოკიდებულია ხელისუფლების ქმედებებზე. კითხვაზე, შესაძლოა თუ არა დღის წესრიგში ხელისუფლების გადადგომის მოთხოვნაც დადგეს, გიგა მაქარაშვილი ამას არ გამორიცხავს, თუმცა ამავდროულად აღნიშნავს, რომ „იმედია „ქართული ოცნება“ მორიგ შეცდომას აღარ დაუშვებს.“

გიგა მაქარაშვილის ინფორმაციითვე, უახლოეს პერიოდში სხვადასხვა რეგიონში ჩავლენ და საზოგადოებას გააცნობენ, თუ რატომ არის მათი მაქსიმალური ჩართულობა აუცილებელი.

„20 სექტემბერი იქნება ძალიან მნიშვნელოვანი დღე მთელი ამ საპროტესტო მუხტის. ვფიქრობთ, თუ მანამდე გაძლო „ქართულმა ოცნებამ“ გახარიას შენარჩუნების რეჟიმში, 20 სექტემბრის შემდეგ აუცილებლად გაუჭირდება, იმდენი რაოდენობის ადამიანს ველოდებით.

აქცია აუცილებლად მშვიდობიანი იქნება. რაც არ უნდა მოხდეს, ჩვენ ექსტრემისტული დაჯგუფება არ ვართ. ბუნებრივია, სავარაუდო ლოკაცია საქართველოს პარლამენტის მიმდებარე ტერიტორიაა. იმ ადამიანების რაოდენობიდან გამომდინარე, რომლებიც შეიკრიბებიან 20 სექტემბერს, აუცილებლად დავიძვრებით რომელიმე მიმართულებით. სადაც უფრო მეტად წუხდება ბიძინა ივანიშვილი, იქ მივალთ“, - განაცხადა გიგა მაქარაშვილმა.

ამასთან, მისი თქმით, აგვისტოში აქცია გადაცემის ფორმატში დარჩება.

ენმ "ოკუპირებული ტერიტორიების შესახებ" კანონპროექტში ცვლილებებს ითხოვს-ხმაური ბიუროს სხდომაზე 22.05.2023
სესიაზე ე.წ.ქოლ-ცენტრების საქმეზე დროებითი საგამოძიებო კომისიის შექმნის საკითხი ჩავარდა 19.05.2023
რუსეთთან ვაჭრობას, ეკონომიკას არ ვაჩერებთ, იმიტომ, რომ ეს ჩვენი ხალხის ინტერესებს დააზიანებს-პრემიერი 19.05.2023
სანქცირებული ბორტები არ იფრენს საქართველოში, მაგრამ რუსეთისთვის სანქციების დაწესება არ მოხდება-კობახიძე 17.05.2023
პარლამენტმა იუსტიციის უმაღლესი საბჭოს 3 წევრი აირჩია - ოპოზიციის ნაწილმა მხარი მმართველი გუნდის კანდიდატს დაუჭირა 17.05.2023
ვაშაძე ე.წ. ქოლცენტრების საქმესთან კავშირში დეპუტატ ისკო დასენს და მისი ოჯახის წევრებს ადანაშაულებს
მარტი 2024
ორშ.სამშ.ოთხშ.ხუთშ.პარას. შაბათიკვირა
26272829123
45678910
11121314151617
18192021222324
25262728293031