„აგურ-აგურ შლიან საკუთარ სახლებს“ - დავით ქაცარავა ამბობს თუ რა ხდება ახლა გუგუტიანთკარში

გორის მუნიციპალიტეტის სოფელ გუგუტიანთკარში უკვე რამდენიმე დღეა რუსი სამხედროები ე.წ. საზღვრების გავლებას განაგრძობენ და ადგილობრივი მოსახლეობის ეზოებში ძელებს ამაგრებენ. ადგილზე უცხოელი დიპლომატები და შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი იმყოფებიან.

რაზმაძეების და გუგუტიშვილების ოჯახებს რუსმა ოკუპანტებმა განუცხადეს, რომ დატოვონ სახლები და გაიტანონ, რაც აქვთ. სოფლის მცხოვრებლებს სამდღიანი ულტიმატუმი წაუყენეს. ეს ორი სახლი მავთულხლართების იქით დარჩა მას შემდეგ, რაც გუშინ დილიდან რუსებმა ბორდერიზაცია განაახლეს.

ანტისაოკუპაციო მოძრაობის „ძალა ერთობაშიას" ლიდერის, დავით ქაცარავას ინფორმაციით, ადგილობრივებმა სახლების დაშლა უკვე დაიწყეს. მისი თქმით, მათ ორგანიზაციას გარკვეული შეზღუდვების გამო სოფელში შესვლა არ შეუძლიათ. ქაცარავა ხელისუფლებას უმოქმედობაში ადანაშაულებს.

„ახლაც მიმდინარეობს სახლის დაშლის პროცესი. ადგილობრივი მოსახლეობა ცდილობს სამშენებლო მასალა მაინც გამოზიდოს. პოლიციამ რატომღაც კონკრეტულად ჩვენს ორგანიზაციას დაუწესა შეზღუდვები, გუგუტიანთკარში არ გვეშვებენ. ჩვენ გვიწევს შორიდან დრონის მეშვეობით დავაკვირდეთ მიმდინარე პროცესებს. ჩვენი ხელისუფლება ერიდება და ცდილობს, არ მოხდეს იმ პრეცენდენტის გამეორება, რაც აცოტში მოხდა, სადაც ჩვენ, სამოქალაქო აქტივისტებმა ბორდერიზაცია შევაჩერეთ. მეცხრე თვეა რუსებმა ერთი მეტრითაც ვერ წაიწიეს წინ.

„სწორედ ამიტომ, ჩვენ სამოქალაქო აქტივისტებს არ გვიშვებენ და ფაქტობრივად, გამოდის, რომ ჩვენი ხელისუფლება ხელს უწყობს ბორდერიზაციას. რეალურად ვერაფრით შეაჩერეს მიმდინარე პროცესები და ოკუპანტებმა სამდღიანი ვადა მისცეს მოსახლეობას, რომ სახლებიდან გაეტანათ ნივთები და დაეშალათ სამშენებლო მასალა.

„ჩამოვიდა დიპლომატიური კორპუსი და ისინი ახლა იქ იმყოფებიან. ეს ადამიანები დგანან და აგურ-აგურ შლიან საკუთარ სახლებს. ულტიმატუმის ვადა ჩართული არის და რასაც მოასწრებენ ამ სამი დღის განმავლობაში, იმას გაიტანენ. ამის შემდეგ ოკუპანტები გააგრძელებენ უკანონო ბორდერიზაციას და ჩვენი ტერიტორების დამატებით მითვისებას. ჩვენი ხელისუფლება ვერაფერს ან არაფერს არ აკეთებს. მხოლოდ 10 დღის თავზე პრობლემის დაწყებიდან გამოჩნდნენ დიპლომატები.

„ათი დღის განმავლობაში მხოლოდ პოლიცია და ძალოვანი სტრუქტურები იყვნენ, რომლებიც სამწუხაროდ უზრუნველყოფდნენ ოკუპანტებისთვის მშვიდი გარემოს შექმნას, რომ მათ მშვიდად შემოეღობათ," - განაცხადა დავით ქაცარავამ.

ცნობისათვის, ოკუპანტებმა გუგუტიანთკართან მავთულხლართების მონტაჟი 14 აგვისტოს განაახლეს. 15 აგვისტოს სოფელში მიმდინარე უკანონო სამუშაოებს საქართველოში აშშ-ის საელჩო გამოეხმაურა, საქართველოს საგარეო საქმეთა სამინისტრომ კი საერთაშორისო თანამეგობრობას საოკუპაციო ხაზზე მიმდინარე უკანონო პროცესების სათანადოდ შეფასებისკენ მოუწოდა.

ფოტო: დავით ქაცარავა/ფეისბუქი

ენმ "ოკუპირებული ტერიტორიების შესახებ" კანონპროექტში ცვლილებებს ითხოვს-ხმაური ბიუროს სხდომაზე 22.05.2023
სესიაზე ე.წ.ქოლ-ცენტრების საქმეზე დროებითი საგამოძიებო კომისიის შექმნის საკითხი ჩავარდა 19.05.2023
რუსეთთან ვაჭრობას, ეკონომიკას არ ვაჩერებთ, იმიტომ, რომ ეს ჩვენი ხალხის ინტერესებს დააზიანებს-პრემიერი 19.05.2023
სანქცირებული ბორტები არ იფრენს საქართველოში, მაგრამ რუსეთისთვის სანქციების დაწესება არ მოხდება-კობახიძე 17.05.2023
პარლამენტმა იუსტიციის უმაღლესი საბჭოს 3 წევრი აირჩია - ოპოზიციის ნაწილმა მხარი მმართველი გუნდის კანდიდატს დაუჭირა 17.05.2023
ვაშაძე ე.წ. ქოლცენტრების საქმესთან კავშირში დეპუტატ ისკო დასენს და მისი ოჯახის წევრებს ადანაშაულებს
მარტი 2024
ორშ.სამშ.ოთხშ.ხუთშ.პარას. შაბათიკვირა
26272829123
45678910
11121314151617
18192021222324
25262728293031