გორის „დილასა" და თბილისის „დინამოს" საფეხბურთო მატჩის დასასრულს გულშემატკივრებს შორის დაპირისპირება მოხდა. არსებული ინფორმაციით, დაპირისპირება გორის „დილას" ფეხბურთელის, ლუკა რაზმაძის გაძევებამ გამოიწვია. თვითმხილველების განცხადებით, გულშემატკივრების ნაწილმა სტადიონზე სკამები დააზიანა და ცეცხლის მოკიდებაც სცადა. გულშემატკივრებს შორის დაპირისპირება სტადიონის გარეთ გაგრძელდა.