თბილისში, ქეთევან წამებულის გამზირზე CO-ს გაჟონვის შედეგად გარდაცვლილი შვიდი ადამიანიდან, ორი გორელია. ძმები ყაზიშვილები დედაქალაქში ცხოვრობდნენ და მშენებლობაზე მუშაობდნენ.   ჯანდაცვის მინისტრის განცხადებით, ქეთევან წამებულის გამზირზე 7 ადამიანის გარდაცვალება მხუთავმა აირმა - C0-მ გამოიწვია.  კომპანია „ყაზტრანსგაზ თბილისის" განცხადებით, გარდაცვალება გამოიწვია კუსტარულად დამონტაჟებულმა ღია კამერის ტიპის წყლის გამათბობელმა, რის შედეგადაც ბინაში CO დაგროვდა.  უბედური შემთხვევა 31 იანვარს, დაახლოებით 13:00 საათზე მოხდა. გარდაცვლილებიდან ორი ძმა, ორი - მამა-შვილი, დანარჩენი სამი კი სხვადასხვა ოჯახის წევრია.