დაბა სტეფანწმინდაში ვერტმფრენის ჩამოვარდნის შედეგად დაიღუპა სამი ადამიანი. მათ შორის არის ერთი პილოტი 45 წლის ილიკო ბაიდაშვილი, რომელსაც ოჯახი და სამი მცირეწლოვანი შვილი ჰყავდა და კიდევ ორი თანამშრომელი. როგორც ცნობილია ვერტმფრენს ცეცხლი გაუჩნდა და დაახლოებით 50-60 მეტრის სიმაღლიდან ჩამოვარდა. 
ვალერი ჩეხერიას "აჭარა ჯგუფის" აღმასრულებელი დირექტორის განმარტებით კანადურ - ამერიკული წარმოების bel 505 ტიპის ვერტმფრენს, რომელიც ყაზბეგში ჩამოვარდა ტექნიკური ინსპექტირება 22 მაისს ჰქონდა გავლილი. აღნიშნული ვერტმფრენი ერთი წლის განმავლობაში ახორციელებდა ფრენებს. ვალერი ჩეხერია "აჭარა ჯგუფის" აღმასრულებელი დირექტორი ამბობს, რომ "ეს იყო ჩვენი კუთვნილი ვერტმფრენი, რომელსაც ტექნიკური შემოწმება გავლილი ჰქონდა. მომავალი ტექნიკური დათვალიერება კი აგვისტოში უნდა გაევლო. სამივე ჩვენი თანამშრომელი იყო, რომლებიც სასტუმროში ტურისტებთან შესახვედრად მიფრინავდნენ".ეკონომიკის სამინისტრომ, რომელიც საფრენ აპარატებზე ახორციელებს ზედამხედველობას, გაავრცელა განცხადება, სადაც დადასტურებულია, რომ აღნიშნულმა ვერტმფრენმა ტექნიკური დათვალიერება ნამდვილად გაიარა მაისის ბოლოს. განცხადებაში ასევე აღნიშნულია, რომ  სამოქალაქო ავიაციის ინციდენტების ბიუროს ხელმძღცანელი დაბა სტეფანწმინდაში უკვე გაემგზავრა.  ადგილზე მუშაობენ ექსპერტ-კრიმინალისტები.