აკა სინჯიკაშვილი სოციალურ ქსელში ფოტოს ავრცელებს, რომელზეც ჩანს, რომ ერთ-ერთი საცხოვრებელი კორპუსის წინ საცურაო აუზია მოწყობილი.
„ერთერთ ეზოში ბავშვებს, რომლებიც თბილისში არიან, საცურაო აუზი დავუდგით. რამდენი უბანია თბილისში, ათ- ათი ლარი რომ შეკრიბოთ, ყველგან გაახარებთ ბავშვებს.
ვერც წარმოიდგენთ რა ბედნიერები არიან. არ დაგეზაროთ, არაფერი არ უნდა ამის გაკეთებას. ეს ამბავი ეძღვნება გარდაცვლილი დიტო ტატიშვილის ხსოვნას, რომელმაც შარშან ზაფხულში, თავის უბნის ბავშვებს დაუდგა ეზოში აუზი და მთელი უბანი გააბედნიერა. გაახარეთ ბავშვები, ამაზე ბედნიერი საყურებელი არაფერი არ არის“, - წერს აკა სინჯიკაშვილი.
შეგახსენებთ, 2018 წლის ზაფხულში ბიზნესმენმა დიტო ტატიშვილმა უბანში ბავშვებს საცურაო აიზი გაუკეთა.
"4 შვილი მყავს. ბავშვები ძალიან მიყვარს. მინდოდა იმ მომენტის ნახვა, როცა უბნის ბავშვები პირველად შეამჩნევდნენ აუზს ეზოში. სპეციალურად შუა ღამეს ავაწყვეთ, რომ არ ენახათ. დილით კი დაველოდე მათ რეაქციას და ზუსტად ისეთი იყო, როგორიც წარმომედგინა. ბედნიერების და სიხარულის ნაპერწკლები ცვიოდათ თვალებიდან. მიზანიც ეს იყო"- ამბობდა დიტო ტატიშვილი
რამდენიმე დრის შემდეგ კი ის საკუთარ სახლში გარდაცვლილი ოპოვეს.
