გორის დილას ახალგაზრდული გუნდი საქართველოს ჩემპიონია. მოზარდებმა ჩემპიონობა 15 გუნდს შორის გამართულ ასპარეზობაში მოიპოვეს. ტურნირში მონაწილეობას  საქართველოს სხვა ქალაქების გარდა თბილისის  გუნდებიც იღებდნენ. 2005 წელს დაბადებულთა შორის გამართული ტურნირის გამარჯვებულებს თენგის ბურჯანაძის სახელობის გორის დილას სტადიონზე გორელი გულშემატკივარი დახვდა და გამარჯვება მიულოცა. ადგილზე მოხდა დაჯილდოვებაც. პატარებს ოქროს მედლები ფეხბურთის ფედერაციის წარმომადგენლებმა გადასცეს. დაჯილდოვების შემდეგ პატარა ფეხბურთელებმა ღია ავტობუსით მწვრთნელთან ერთად ქალაქს საპატიო წრე დაარტყეს და გორის მოსახლეობას გამარჯვება ამცნეს.