ახალგაზრდა მამაკაცმა ცოლს ცემა, დედა დაჭრა, შვილს კი პირში ნარკოტიკები ჩაუტენა. შემთხვევა რამდენიმე დღის წინ, გორში მოხდა. როგორც „დიასთვის“ გახდა ცნობილი, მამაკაცი ბადრაგის მეთვალყურეობის ქვეშ სამედიცინო ცენტრ „გორმედშია“ მოთავსებული. მისი საავადმყოფოში შეყვანის მიზეზი კი ის დაზიანებები გახდა, რომელიც ზედა კიდურების არეში მან წინასწარი დაკავების იზოლატორში თავად მიიყენა. როგორც შინაგან საქმეთა სამინისტროს პრესსამსახურში აცხადებენ, პირადი და საცხოვრებელი სახლის ჩხრეკისას მამაკაცს დიდი ოდენობით ნარკოტიკი აღმოაჩნდა. მას გამოძიება ოჯახში ძალადობას და ნარკოტიკის შეძნა-შენახვას ედავება. თემაზე დამატებით დეტალებს ნახავთ „დიანიუსში“ 19:00 საათზე.