მოკლული 7 თვის ჩვილის მამა ტრაგედიის ღამეს  „ქრონიკისთვის“ მიცემულ ინტერვიუში იხსენებს. მიხეილ დვალიშვილის თქმით, მას სახლის აივანზე ეძინა, როცა დაახლოებით ღამის 12-ის ნახევრისთვის მეუღლემ მას ოთახში შესვლა და დაძინება სთხოვა. დაახლოებით დილის 6-ის ნახევარზე კი შვილი გარდაცვლილი ნახა, ხოლო მეუღლე სახლში აღარ იყო. რამდენიმესაათიანი ძებნის შემდეგ  ის თბილისში, ერთ-ერთ სასტუმროში დააკავეს.
როგორც ის ამბობს მისი არასრულწლოვანი მეუღლე მუდმივად "მესიჯობდა", შემდეგ შეტყობინებებს შლიდა, რაც მათი გაუგებრობის მიზეზი გახდა. არასრულწლოვანს ბრალი გუშინ წაუყენეს. მის ინტერესებს სავალდებულო წესით დანიშნული ადვოკატი იცავს. ბრალდებული ამ ეტაპზე დუმილის უფლებას იყენებს. მისი წარდგენა გორის რაიონულ სასამართლოში დღეს 17:00-ზე მოხდება. მისი არასრულწლოვნების გამო პრეცესი იქნება დახურული.გამოძიება დამამძიმებელ გარემოებაში განზრახ მკვლელობის მუხლით მიმდინარეობს და დანაშაულის დამტკიცების შემთხვევაში მას 17 წლამდე თავისუფლების აღკვეთა ემუქრება.