შემთხვევა გუშინ დაახლოებით დღის ხუთ საათისთვის  რუსთავის კულტურისა და დასვენების პარკში მოხდა. ბავშვი  პარკში ძმასთან და მეგობრებთან ერთად იმყოფებოდა. როგორც ჩანს ის ტბაში საბანაოდ შევიდა და გამოსვლა ვეღარ შეძლო. მაშველები აცხადებენ, რომ წვიმის დაწყებისთანავე პარკის ყველა დამსვენებელმა გაფრთხილება მიიღო, ტბიდან ამოსულიყო. მას შემდეგ რაც  ერთ-ერთი ბავშვი არ ჩანდა, მაშველებს დაღუპულის ძმამ შეატყობინა. გარდაცვლილი მოზარდი 15-წუთიანი ძებნის შემდეგ იპოვეს. პოლიციამ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.2016 წელს ამავე ტბაში 15 წლის მოზარდი დაიხრჩო, რის შემდეგაც ტბას მაშველები მიუჩინეს.