გორელმა ძალოსანმა ვალერი მეტრეველმა საქართველოს პირველობაზე 17 წლამდელთა შორის ვერცხლის მედალი დაისაკუთრა. ქვეყნის პირველობაზე, რომელიც საჩხერეში ჩატარდა მეტრეველმა 85 კგ შტანგა ატაცში, ხოლო102 კგ-იანი აკვრაში დააფიქსირა და ორჭიდის ჯამში187 კილოგრამით კვარცხლბეკის მეორე საფეხურზე დადგა. მეტრველი, შოთა ჩოჩიშვილის სახელობის კომპლექსური სპორტული სკოლის დარბაზის წარმომადგენელია და სულ ერთი წელიწადია რაც ძალოსნობაში ვარჯიშობს. ახალგაზრდა ძალოსანს მიღწეული წარმატება დღეს გორის მუნიციპალიტეტის სპორტის განვითარებისა და ხელშეწყობის სააგენტოში მიულოცეს და წარმატებები უსურვეს.