თბილისში, ბოტანიკურ ბაღში მომხდარი შემზარავი დანაშაულის შესახებ გაზეთი “პრაიმტაიმი” წერს. გამოცემის ინფორმაციით, სამი არასრულწლოვანი გოგონა სექსუალური მანიაკის მსხვერპლი გახდა. დანაშაულის თვითმხილველი სამი არასრულწლოვანი ვაჟი კი დღემდე ფსიქოლოგების ზედამხევდელოების ქვეშ არიან. დაზარალებული ბავშვები რეაბილიტაციის კურსს გადიან.
“პრაიმტაიმის” ინფორმაციით, 27 წლის პედოფილის მიერ დანაშაული 2012 წელს, განსაკუთრებული ცინიზმითა და სისასტიკით არის ჩადენილი. ბრალდებული, დანაშაულის ჩადენიდან სამი თვის შემდეგ პოლიციამ ფოტორობოტის მეშვეობით დააკავა. როგორც ირკვევა, მას ცოლი და ორი მცირეწლოვანი შვილი ჰყავს.
საქმის მასალებით ირკვევა, რომ 27 წლის ლ.ა. მაშინ, როდესაც ის ჯართის შესაგროვებლად იმყოფებოდა ბოტანიკურ ბაღში, ტყეში ბავშვები შენიშნა, რომლებიც ამავე ტერიტორიაზე სასეირნოდ იმყოფებოდნენ. დანაშაულის ჩადენამდე ლ.ა. ბავშვებს, როგორც ტყის მცველი თამაზი ისე გაეცნო, თუმცა მალევე, მათი შეშინების მიზნით, უთხრა, რომ ის მანიაკი იყო და ბავშვებს ხოცავდა. ამის შმდეგ ექვსივე მათგანს ტელეფონი გაათიშვინა და უთხრათ, მის მოთხოვნებს დამორჩილებოდნენ, წინააღმდეგ შემთხვევაში მოკვლით ემუქრებოდათ.
შედეგად, სექსუალურმა მანიაკმა სამ არასრულწლოვან გოგონასთან სექსულური კავშირი დაამყარა, რისი თვითმხილველნი გახდნენ ასევე მათი თანატოლი ბიჭები. არასრულწლოვნებმა გამოძიებას დეტალური ჩვენებები მისცეს და დამნაშავეც ამოიცნეს.
სასამართლომ ამ შემზარავ დანაშაულში ბრალდებულ სექსუალურ მანიაკს 18 წლიანი პატიმრობა მიუსაჯა.
წყარო: პრაიმტაიმი
| 
