საქართველოს ექსპრეზიდენტის ექსტრადირების საკითხზე კომენტარი გააკეთა თავად მიხეილ სააკაშვილმა. მისი თქმით, იმის ნაცვლად, რომ საქართველოს მთავრობა რიგაში დიპლომატიური საქმიანობით დაკავდეს, პროკურატურა ლატვიას მის ექსტრადირებაზე ესაუბრება. "საქართველოს მთავრობის ძირითადი საზრუნავი რიგაში ის კი არ ყოფილა, რომ საქართველოს მოქალაქეებს მიეცეთ უვიზოდ მიმოსვლის საშუალება, არამედ ის, რომ ლატვიის მთავრობამ დამაკავოს და გადამცეს ამ უდღეურებს. მთავრობას, რომელსაც ეს პრიორიტეტი აქვს, იმ მთავრობისგან როგორ შეიძლება რამე დადგეს საერთოდ?! გარდა იმისა, რომ თავს იბანძებს, ქვეყანას დააცინინებს და ყველა იტყვის რომ საქართველოს მთავრობაში ვერ არიანო... ამავდროულად, არც იმის ენერგია არ აქვს, რომ რაღაც კონსტრუქციული გააკეთოს თავისი ქვეყნისთვის. დაგვანებონ რა თავი მეც და ყველას და მიხედონ ხალხს“ - განაცხადა მიხეილ სააკაშვილმა. წყარო: newposts.ge