თბილისის ინტერპოლისა და შსს-ს საპატრულო პოლიციის დეპარტამენტის თანამშრომლებმა, თბილისიდან მოსკოვის მიმართულებით გასვლისას, ვისბადენის ინტერპოლის მიერ 2011 წლიდან საერთაშორისო დონეზე ძებნილი, რუსეთის ფედერაციის მოქალაქე, 1986 წელს დაბადებული პირი დააკავეს. დაკავებულს ბრალი  გერმანიის სისხლის სამართლის კოდექსის 263-ე მუხლით გათვალისწინებული დანაშაულისთვის ედება, რაც ჯგუფის მიერ ჩადენილ თაღლითობას გულისხმობს. ამ დროისთვის ბრალდებულის  მიმართ კანონით გათვალისწინებული წინასაექსტრადიციო პროცედურები მიმდინარეობს.