სპორტისა და ახალგაზრდობის საქმეთა მინისტრის მოადგილე შალვა გოგოლაძე ევროპის ჩემპიონატიდან დაბრუნებულ ჭაბუკ და ახალგაზრდა მოკრივეთა ნაკრებებს შეხვდა და ევროპირველობაზე მოპოვებული წარმატება მიულოცა. ახალგაზრდულმა ნაკრებმა ანაპაში, გამართულ კონტინენტის პირველობაზე 1 ოქროს, 2 ვერცხლის და 1 ბრინჯაოს მედალი მოიპოვა. ოქროს, ვერცხლის და ბრინჯაოს მედალი ქართველმა სპორტსმენებმა 18-26 ივნისს გამართულ ჭაბუკთა ევროპის ჩემპიონატზეც მოიპოვეს. 52 კილოგრამში ჩემპიონი ლექსო ხასაია გახდა. ვერცხლი ალეკო ყიფიანმა, ბრინჯაო კი ზურაბ მენაბდიშვილმა მოიპოვა.