ამერიკის შეერთებული შტატების სახელმწიფო მდივნის, ჯონ კერის ოფიციალური ვიზიტი საქართველოში დღეს დაიწყო. მას თბილისის საერთაშორისო აეროპორტში საქართველოს საგარეო საქმეთა მინისტრი მიხეილ ჯანელიძე და აშშ-ის ელჩი საქართველოში იან კელი დახვდნენ, რის შემდეგაც ესკორტი მთავრობის ადმინისტრაციისკენ გაემართა. ჯონ კერის საქართველოს პრემიერ-მინისტრმა, გიორგი კვირიკაშვილმა უმასპინძლა.