გორში, წერეთლის ქუჩაზე  ურნები განთავსდა. ქვის კონსტრუქციის 6 ურნა, გორის ახალგაზრდულმა მოძრაობამ „დროა“, პროექტის გორი - სუფთა და უსაფრთხო ქალაქი“-ს ფარგლებში შეიძინა,  რომლებიც მერიის შესაბამისი სამსახურის მხარდაჭერით განათავსა. ურნების საერთო ღირებულებამ, 2,100 ლარი შეადგინა. წერეთლის ქუჩა ურნების განთავსების ადგილად, საჭიროებიდან გამომდინარე შეირჩა. მოკვლევის და დაკვირვების შედეგად გამოიკვეთა, რომ აღნიშნულ ქუჩაზე, მიუხედავად მისი დატვირთულობისა, არც ერთი პატარა ურნა არ დგას. პროექტი „გორი - სუფთა და უსაფრთხო ქალაქი“ 7 თვის მანძილზე ხორციელდებოდა, რომლის ფარგლებშიც სისუფთავის დაცვის და საგზაო უსაფრთხოების მიმართულებით რიგი ღონისძიებები ჩატარდა.