ბათუმი მაღალი დონის ღონისძიებების პლატფორმად იქცა - დღეს რიგით მე-13-ე საერთაშორისო კონფერენცია "საქართველოს ევროპული გზა სტაბილურობა, განვითარება, მრავალფეროვნება" გაიხსნა. ღონისძიების მონაწილეებს სიტყვით მიმართა საქართველოს პრემიერ-მინისტრმა. გიორგი კვირიკაშვილის თქმით, ნიშანდობლივია, რომ მე-13 საერთაშორისო კონფერენცია ნამდვილ ევროპულ ქალაქში - ბათუმში ტარდება, რომელიც უძველესი დროიდან მდებარეობდა ბერძნული, რომაული და ოსმალური ცივილიზაციების გზაჯვარედინზე. გიორგი კვირიკაშვილის თქმით, საქართველო მომავალშიც არ დაიშურებს ძალ-ღონეს, რათა აღადგინოს ნდობა, ხელი შეუწყოს შერიგების პროცესს და ქართული, აფხაზური და ოსური საზოგადოებების ერთ ქვეყანად გაერთიანებას. გამოსვლის დასასრულს პრემიერმა კონფერენციის მონაწილეებს ევროპის მომავლის შესახებ მოსაზრებები გააცნო.
| 
