საპროტესტო აქცია გაიმართა მთავარ პროკურატურასთან. 20-მდე მოქალაქემ გუშინ ღამით შიმშილობა დაიწყო. ისინი გორის მუნიციპალიტეტში მცხოვრებ რამაზ ქოქოშვილის პატიმრობაში ყოფნას აპროტესტებენ, რომელიც მათი ინფორმაციით, უკვე 42 დღეა საპყრობილეში შიმშილობს. ადვოკატი და ახლობლები აცხადებენ, რომ პატიმარი თავს უდანაშაულოდ მიიჩნევს და პროტესტის უკიდურეს ფორმას სწორედ ამიტომ მიმართავს. მოშიმშილეები რამაზ ქოქოშვილის გათავისუფლებას მოითხოვენ. ადვოკატი ამბობს, რომ გორის სამმართველოს თანამშრომლების მხრიდან დევნას და ზეწოლას პერმანენტულად განიცდიდა. დაცვის მხარე, ასევე, აცხადებს, რომ დაკავებულს ფიზიკური დაზიანებები აღენიშნებოდა. ქოქოშვილს გამოძიება სსსკ-ის  353 მუხლს ედავება, რომელიც პოლიციისთვის წინააღმდეგობის გაწევას გულისხმობს.