საქართველოს პრეზიდენტმა გიორგი მარგველაშვილმა საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიურ შეკრებაზე - „ამბასადორიალი 2016“ ქართული დიპლომატიის წინაშე არსებულ გამოწვევებზე, მსოფლიოში და რეგიონში მიმდინარე პროცესებზე და საქართველოს გეოპოლიტიკურ როლზე ისაუბრა.
გიორგი მარგველაშვილმა ქართველ დიპლომატებს მადლობა გადაუხადა იმ მნიშვნელოვანი საქმიანობისათვის, რომელსაც დღეს ჩვენი ქვეყნის ფარგლებს გარეთ ახორციელებენ.
