2016 წლის ეროვნულ გამოცდებზე 2 პედაგოგი და 10- მდე აბიტურიენტი მოიხსნა. ამის შესახებ ინფორმაცია მაია მიმინოშვილმა ერთიანი ეროვნული გამოცდების საგამოცდო პროცესის დასრულების შემდეგ ჟურნალისტებს მიაწოდა. საგამოცდო პროცესიდან პედაგოგის მოხსნის ფაქტი ბათუმისა და თბილისის საგამოცდო ცენტრებში დაფიქსირდა. მიზეზი ორივე შემთხვევაში ერთნაირი იყო - სექტორში მობილური ტელეფონის შეტანა და მისი გამოყენების მცდელობა. რაც შეეხება აბიტურიენტებს, მათი გამოცდიდან მოხსნის მიზეზი სხვადასხვა იყო. მათ შორის დაგვიანება, მობილური ტელეფონის შეტანა და დამხმარე მასალის გამოყენების მცდელობა. 2016 წლის ეროვნულ გამოცდებზე ასევე მეთვალყურეების მოხსნის სამი ფაქტიც დაფიქსრდა. შეგახსენებთ, რომ 2016 წლის გამოცდები ნაწილობრივ ელექტორნული ფორმატით ჩატარდა. მიუხედავად გამოვლენილი დარღვევებისა შეფასებისა და გამოცდების ცენტრში პროცესს წარმატებულად აფასებენ.