საქართველოს ფეხბურთის ფედერაციის აკადემიაში 2003 წელს დაბადებულ ბავშვთა შერჩევა დასრულდა. პროცესი 4 თვის განმავლობაში მიმდინარეობდა, რომელშიც საქართველოს ფეხბურთის ფედერაციის რეგიონთა თასის ფეხბურთელებმა მიიღეს მონაწილეობა. ტურნირის გამორჩეულმა მონაწილეებმა სფფ-ის აკადემიაში მოიყარეს თავი, სადაც შერჩევის დასკვნითი ეტაპები ჩატარდა, რომელიც მოიცავდა როგორც ინდივიდუალურ ვარჯიშებს, ისე ამხანაგურ თამაშებსა და თეორიულ მომზადებას. შერჩევის შედეგად გამოვლინდნენ საუკეთესო ფეხბურთელები საქართველოს სხვადასხვა ქალაქიდან - თბილისიდან, ქუთაისიდან, ზესტაფონიდან, მარტვილიდან, დუშეთიდან, გარდაბანიდან, გორიდან, ბათუმიდან, ქობულეთიდან, და მესტიიდან. შერჩეული ფეხბურთელები აკადემიაში გაარძელებენ სწავლას. ცვლილება განხორციელდა ასევე სამწვრთნელო შტაბშიც: 2003 წელს დაბადებულ ფეხბურთელთა გუნდს გიორგი მოდებაძე გაწვრთნის, ხოლო 2002 წელს დაბადებულებს გიორგი ხიზანიშვილი უხელმძღვანელებს.