გონიოს, ყოფილი სასროლეთის საზღვაო ზოლში, დაკარგული ორი სამხედროს სამძებრო სამაშველო ოპერაცია ამ დრომდე უშედეგოდ მიმდინარეობს. ოპერაციაში აშშ-ის თავდაცვის დეპარტამენტის სამხედრო ძალებიც ჩაერთვნენ.  26 წლის კაპრალ იაგო შარაძის და პირველი კლასის რიგითი, 24 წლის გიორგი ნანიტაშვილის სამძებრო ოპერაცია მთელი ღამის განმავლობაში მიმდინარეობდა. ავიაციისა და ფლოტის დახმარებით, საგანგებო ღონისძიებაში ჩართულია შინაგან საქმეთა და თავდაცვის სამინისტროების შემადგენლობა. დაკარგული სამხედროები საზღვაო გეგმიურ სწავლებაში მონაწილეობდნენ და მებრძოლ-მყვინთავთა კურსს გადიოდნენ. მათ, წყალქვეშ ჩაყვინთვის შემდეგ, ზღვის ზედაპირზე ამოსვლა ვეღარ შეძლეს.