აფეთქება მოხდა თბილისში. ყოფილ „პირიმზესთან“ „ერთიანი ნაციონალური მოძრაობის“ პოლიტიკური საბჭოს წევრის, გივი თარგამაძის კუთვნილი ავტომობილი აფეთქდა. თარგამაძე დარწმუნებულია, რომ მისი მანქანის აფეთქება მიზანმიმართულად განხორციელდა. შემთხვევის დროს ავტომობილში თარგამაძე და მისი მძღოლი ისხდნენ. შინაგან საქმეთა სამინისტრომ ყოფილი „პირიმზის“ მიმდებარე ტერიტორიაზე მომხდარი აფეთქების ფაქტზე გამოძიება სისხლის სამართლის კოდექსის 19-109 მუხლით დაიწყო, რაც დამამძიმებელ გარემოებებში ჩადენილ განზრახ მკვლელობის მცდელობას გულისხმობს. მომხდარი აფეთქების შედეგად, ოთხი ადამიანი დაშავდა.
| 
