"რუსული დროშა უნდა ფრიალებდეს თბილისის თავზეც და კიევშიც"

"რუსული დროშა უნდა ფრიალებდეს თბილისის თავზეც და კიევშიც, სხვა შემთხვევაში პროფაშისტური რეჟიმები იბატონებენ" - ვლადიმერ ჟირინოვსკი საკუთარ პრეზიდენტს საქართველოს სამაგალითოდ დასჯას სთხოვს. 

რუსეთის დუმის დეპუტატი ამბობს, რომ არ შეიძლება ხალხებს შორის მეგობრობაზე საუბარი, როცა რუსი დიპლომატები "საქართველოში კინაღამ მოკლეს".​

მისი თქმით, რუსეთი მხოლოდ ბორჯომით არ უნდა შემოიფარგლოს და უნდა დაწესდეს მკაცრი ეკონომიკური სანქციები. 

"მხოლოდ ბორჯომით არ უნდა შემოვიფარგლოთ, შევწყვიტოთ ყოველგვარი ეკონომიკური ურთიერთობა საქართველოსთან. შევუწყვიტოთ ელექტროენერგიის მიწოდება შევაჩეროთ გზავნილები. აქ უამრავი არალეგალი ბიზნესმენია, რა ხალხებს შორის მეგობრობა მოგინდათ. ლამის დიპლომატები მოგვიკლეს. სასწრაფოდ უნდა მივიღოთ გადამწყვეტი და ხისტი ზომები და წესრიგი დავამყაროთ მთელ სამხრეთ კავკასიაში - ასე მივაღწევთ გამარჯვებას. რუსული დროშა უნდა ფრიალებდეს თბილისის თავზეც და კიევშიც, სხვა შემთხვევაში პროფაშისტური რეჟიმები იბატონებენ,"-ამბობს რუსეთის სახელმწიფო სათათბიროს ლიბერალ-დემოკრატიული პარტიის ფრაქციის თავმჯდომარე ვლადიმერ ჟირინოვსკი. 

რუსეთის სათათბირომ საქართველოსთვის ახალი ეკონომიკური სანქციების დაწესებას მხარი დაუჭირა - 416 მომხრე, არც ერთი წინააღმდეგი.

ასე გამოეხმაურა დუმა ერთი ჟურნალისტის უხამს მონოლოგს. თუმცა საბოლოო გადაწყვეტილება ვლადიმერ პუტინმა უნდა მიიღოს. უცენზურო მონოლოგის ადრესატმა ახლა უნდა გადაწყვიტოს, დააკისრებს თუ არა მორიგ სასჯელს საქართველოს.

აკრძალვა კი შეეხება ქართული ღვინისა და მინერალური წყლების იმპორტს რუსეთში და საქართველოს მიმართულებით ფულად გადარიცხვებს.

როდის დაიწყებენ გორში პოლიტიკური პარტიები წინასაარჩევნო კამპანიას 4.08.2021
ირაკლი ღარიბაშვილი მოსმენების შესახებ გავრცელებულ ინფორმაციას მორიგ შეთქმულებას და ბინძური პროვოკაციას უწოდებს 3.08.2021
ირაკლი ღარიბაშვილი - IRI-ის და NDI-ის კვლევები არავითარ ნდობას არ იმსახურებს, რადგან სამუშაოები ტარდება „ნაციონალური მოძრაობის“ კვლევითი ორგანიზაციების მიერ
აგვისტო 2021
ორშ.სამშ.ოთხშ.ხუთშ.პარას. შაბათიკვირა
2627282930311
2345678
9101112131415
16171819202122
23242526272829
303112345