დაპირისპირება მცხეთა-მთიანეთში-ინციდენტი დუშეთის, თიანეთისა და ყაზბეგის საარჩევნო ოლქში „მემარცხენე ალიანსის“ მაჟორიტარი დეპუტატობის კანდიდატის, სოსო შატბერაშვილის სოფელ ბაზალეთში წარდგენას მოჰყვა. პარტიის გენერალური მდივანი მაჟორიტარობის კანდიდატად თანაგუნდელებმა სოფელ ბაზალეთში, „ლეიბორისტული პარტიის“ ლიდერის, შალვა ნათელაშვილის სოფელში წარადგინეს. „მემარცხენე ალიანსის“ წევრებმა მათი ყოფილი ლიდერის მისამართით ბრალდებები გააჟღერეს და ის კორუფციულ გარიგებებში დაადანაშაულეს. შატბერაშვილმა არჩევნებში მისი კონკურენტი, ნათელაშვილი დებატებში გამოიწვია და მას კურდღელი უწოდა. სწორედ ამ განცხადებებს და ნათელაშვილის მიმართ ბრალდებებს მოჰყვა დაპირისპირება ადგილობრივებსა და „მემარცხენე ალიანსის“ წევრებს შორის.
| 
