„ოქროს შემოდგომა - 2016“ -  ეს ის სახალხო დღესასწაულია, რომელიც ქალაქ ხაშურის გამგეობამ ადგილობრივებთან და უცხოელ სტუმრებთან ერთად აღნიშნა. ხაშურის ცენტრალურ პარკში მოეწყო სხვადასხვა სახის ღონისძიებები.  გამოფენა, თოჯინების თეატრის წარმოდგენა, ჭადრაკის ჩემპიონატი,ქართული ჭიდაობის ტურნირი და სხვა. დღესასწაულის პირველი დღე შემაჯამებელი კონცერტით დასრულდა  რომელშიც მონაწილეობა ჯგუფმა „ეგარიმ“ და  ადგილობრივმა ახალგაზრდულმა როკ ჯგუფმა მიიღეს. მეორე დღეს კი ლესია უკრაინკას ხსოვნისადმი მიძღვნილი საზეიმო კონცერტი გაიმართა მისევე სახელობის სკვერში. ადგილობრივ ხელისუფლებას 2- დღიანი დღესასწაული 28 ათასი ლარი დაუჯდა.