დღეს ხაშურის მუნიციპალიტეტის სოფელ ცხრამუხის საარჩევნო უბანზე ხმის მიცემის პროცედურისთვის განკუთვნილი ოთახის ერთ-ერთი დაზიანებული კარი კომისიის წევრებმა და თავმჯდომარემ, როგორც „დიას“ კორესპონდენტთან საუბრის დროს განმარტეს, 15 საათამდე ვერ შენიშნეს. კერძოდ, კარში იყო გაჩენილი ხვრელი, საიდანაც საგნების მიწოდება შენობის ეზოდან ოთახში მარტივად იყო შესაძლებელი. ჩვენს გადამღებ ჯგუფს ფაქტის ამსახველი ვიდეომასალა მიაწოდეს, რის შემდეგაც ჯგუფი ცხრამუხის საარჩევნო უბანზე მივიდა. ფაქტი არ უარყვია კომისიის თავმჯდომარესაც, თუმცა აღნიშნა, რომ კარს საარჩევნო პროცედურისთვის განკუთვნილ ოთახთან საერთო არაფერი ჰქონდა.
