ხევსურეთში, სოფელ შატილში ტრადიციული სახალხო დღესასწაული „შატილობა 2016“ გაიმართა. ღონიძიებები 14:00 საათზე კონცერტით გაიხსნა, რომელშიც მონაწილეობა ხალხური სიმღერისა და ცეკვის ანსამბლებმა, ასევე, მწერლებმა და პოეტებმა მიიღეს. მოეწყო ტრადიციული დოღი, რომელში გამარჯვებულებსაც პრიზები გადაეცათ. ასევე გაიმართა ლუდის კოდის დალოცვის რიტუალი. საღამოს 19:00 საათზე კიდევ ერთი კონცერტი მოეწყო, რომლიც ორი საათის განმავლობაში გაგრძელდა. კონცერტში მონაწილეობდნენ ფოლკ ბენდი, ანსამბლი „ალილო“, ანსამბლი ბანი, გორდელა, ანსამბლი „ქალილო“ და „შავფაროსნები“. „შატილობის“ დღესასწაული ღამის კოცონით და ფოიერვერკით დასრულდა.